Ano ang Nursing?

Hanggang ngayon, marami pa rin sa mga tao ang may pagkalito kung ano nga ba ang ginagawa ng isang "Nurse" o " Nars".

Kung magtatanung ka sa mga makakasalubong mo o di kaya sa mga kasamahan mo sa tranaho o sa eskwelahan. Ito ang maririnig mo sa kanila:

1. Alalay ng doktor.

• Nakakalungkot na marinig na ito ang pinakaunang pumapasok sa isipan nila pagdating sa propesyon ng NURSING. Ngunit mali, isipin mo na lamang. Hindi na sana nag-aral ng halos 10 semestre ang mga nars kung alalay lang ng mga doktor. Dahil kung alalay lang sila ng doktor hindi na kailangan pa na kumuha din ng LISENSYA. 
• Hindi lamang nakikita ng mga tao at mismong ang mga pasyente sa Ospital ang tunay na pangyayari dahil kalimitan na ang Nars pa ang nagpapa-alala sa mga Doktor. 
• Halimbawa: Sa kalagitnaan ng hating gabi, tatawag ang Nars mo sa doktor mo upang ipaalam sa kanya na kailangan niyang pumunta sa Ospital dahil may napansin siyang pagbabago sa Vital signs mo o di kaya ay may pagbabago sa RESULTA NG LABORATORYO NG DUGO O IHI mo. Sa ganoong pagkakataon pupunta ang doktor mo sa ospital dahil alam niyang alam ng Nars mo ang lahat ng nangyayari sa pasyente niya at malaki ang tiwala ng doktor mo sa nars na ito.

2. Taga-bantay ng SWERO 

• Pangalawa ito na kalimitang binabanggit ng mga tipikal na tao. 
• Oo, hindi kayo nagkamali sa puntong ito. Ngunit, hindi lamang pagbabanatay ng swero ang ginagawa ng isang Nars.
• Ang Nars din ang kalimitang pumupili ng swero na ibibigay sa inyo kung kayo ay nasa emergency room. Dahil kalimitan, wala ang mga Residenteng Doktor at nagrounds sila sa ward. Katulad din ng mga doktor ninyo pinag-aralanan din ng mga Nars ang tamang swero na ibibigay sa mga pasyente base sa edad, kondisyon, at komplikasyon.
• Nars din ang namimili ng HABA at LAKI ng butas ng IV Cannula. Maraming konsiderasyon na tumatakbo sa isipanan ng isnag Nars sa pagpili pa lamang ng IV Cannula. Halimbawa may dumating na pasyente buntis at malapit ng manganak, napag-alaman din ng Nars na siya ay nakaranas ng pagdudugo sa mga nakaraang panganganak. Bilang Nars pipiliin niya ang GAUGE 18 Needle kumpara sa GAUGE 20 o 22 Needle. Mas malaki ang IV Cannula na pinili niya dahil alam niya na maaring magkaroon ng pagkakataon na magdugo uli ang pasyente, kung malaki ang Cannula na pinasok niya sa ugat nito mas mabilis at madali ang pagpasok ng Intravenous Fluids sa sistema ng pasyente. Malaki ang tiyansa na mailigtas ang pasyente sa tiyak na kamatayan ng pagdudugo dahil dito.

Notes:

Gauge- ito ang sukatan ng laki o liit ng butas ng IV Cannula, mas mababa ang numero mas malaki ang butas nito. Mas malaki ang butas ng Gauge 18 kumpara sa Gauge 20.

IV Cannula- ito ang karayom na nilalay sa ugat ng mga pasyente tuwing lalagyan sila ng swero.

Itutuloy....

Ding-Dong: Tonsillitis

Malimit nating naririnig ang salitang TONSILS.

Halimbawa na lamang, habang nasa clinic ako. Komunsulta sakin ang isang binatang High-School student at sinabing may "Tonsils" daw sya at masama ang pakiramdam nya"

Hindi ako nagulat sa sinabi nya dahil lahat naman ng mga tao ay may "tonsils".

Sinabi ko na lamang, " ah may TONSILLITIS ka?"

Bilang isang Health Care Professional, kasama sa aming responsibilidad ang magbigay ng mga tamang impormasyon tungkol sa kalusugan.


TONSILLITIS

Tonsils ito ay parte ng IMMUNE SYSTEM ng tao. Tonsils ang unang depensa ng katawan natin laban sa impeksyon. Makikita ito sa likod ng lalamunan.

Lumalaki ang tonsils kung nagkakaroon ng bacterial o viral infection ang tao, at manunumbalik ito sa normal na sukat kung mawawala na ang impeksyon.

Sintomas

• Malaki ang tonsils
• Mapula
• Masakit o mahirap lumunok
• Lagnat
• Paga at masakit na kulani sa leeg
• Hindi inuubo
• Masakit na kasukasuhan
• Sakit ng ulo

Ano ang maaring gawin?

• Mahalagang magpahinga kung nakakaramdam ng mga sintomas
• Uminom ng 2 litro ng tubig sa loob ng isang araw upang mapalabnaw ang mga plema na dulot nito
• Maaring uminom ng Paracetamol upang mabawasan ang pananakit ng lalamunan kada apat na oras
• Magmumog ng maligamgam na tubig na hinaluaan ng 2 kurot ng asin
• Maari ding magmumog ng mga ORAL Antiseptic Solution tulad ng BACTIDOL 2 beses sa isnag araw
• Iwasan ang Gatas at iba pang pagkain na may gatas, dahil pinalalapot nito ang plema
• Liquid Diet or Soft, upang mabawasan ang sakit ng lalamunan
• Iwasan ang pagsasalita kung hindi naman kinakailangan
• Komunsulta sa DOCTOR

ALERT!

• Kung may mga sumusunod na sintomas at napasin nyo din na may rashes kayo o ang anak niyo, komunsulata agad sa Doctor. Maaring may Strep Throat ang payente. Ang Strep throat ay nangangailangan ng Attensyong Medical dahil sa maaaring komplikasyon nito tulad ng sakit sa puso at sa bato

Reference:
http://www.google.com.ph/imgres?num=10&hl=en&biw=1024&bih=643&tbm=isch&tbnid=D51PzpzszrsTBM:&imgrefurl=http://drsoniasv.webs.com/apps/photos/photo%3Fphotoid%3D88331173&docid=1LdkVVsKmyNxyM&imgurl=http://memberfiles.freewebs.com/39/84/59908439/photos/Mouth/uvula,%252520Dr%252520Sonia%252520,ENT%252520Specialist%252520Bangalore.jpg&w=375&h=382&ei=0fCqUMTjIOWiigemwoGIDw&zoom=1&iact=hc&vpx=433&vpy=275&dur=1478&hovh=227&hovw=222&tx=123&ty=115&sig=110319916404135537079&page=3&tbnh=143&tbnw=121&start=34&ndsp=19&ved=1t:429,r:41,s:0,i:260

Ano ang mga sinasabi ng Blood Pressure mo?

Nakakabahala ang tumataas na dami ng mga taong may HIGH BLOOD PRESSURE. Hindi bababa sa limang katao ang merun nito kung magtatanung ka sa mga kakilala mo.


Ngunit ano nga ba ang BLOOD PRESSURE?

Ang BLOOD PRESSURE ay ang presyon ng dugo mula sa ARTERY (ito ang ugat ng tao na direktang nagmumula sa puso).









Mapapansin din natin na dalawa ang mga numero na binabanggit ng mga doktor at nars matapos kumuha ng BP sa atin.

Halimbawa: "120 over 80 po ang BP nyo" sabi ng Nars

Ang unang numero na binabangit ay tinatawag na SYSTOLIC BLOOD PRESSURE.
SYSTOLIC BLOOD PRESSURE ay ang lakas ng pagbomba ng puso tuwing titibok ito. Dahil ang ARTERY ay direktang konektado sa puso, sa tuwing bobomba ng dugo ang puso dumadaloy ang dugo papunta sa mga ARTERY ng katawan.

Ang pangalawang numero naman ay tinatwag na DIASTOLIC BLOOD PRESSURE.
DIASTOLIC BLOOD PRESSURE naman ang presyon sa matapos magbomba ng dugo ang puso, ito ang lakas ng presyon tuwing babalik ang dugo sa puso.







Maraming Salamat sa pagbisita sa aking Blog.

Kung kayo ay may mga tanong na tungkol sa KALUSUGAN o KARANIWANG mga SAKIT.
Mag-iwan lamang ng mensahe at sasagutin ko ito sa abot ng aking makakaya. ^_^

Godbless and TAKE CARE.